99-04

Hitz eta Irudien mugimendua

Ikusentzunekoak kontzertu bilakatuz, euskarri berrietan frogak eginez. Aspaldikoa, kantua. Egokituz, egungo tresnak baliatuz bersortuz, nahastuz. Eta erakutsi ere hala egingo dugu, bideo jockey batek jarrita, edo disko jartzaileak nahastua, irrati uhinetatik edo Internet bidez eskainia. Aro berria bizi dugu teknologia berriekin. Gure musikak ez du horregatik tren hori galdu. Hor gara, lehen lerroan. Bideoetan, klipetan, zuzenekoetan, gogoetetan, saiakera bat ageri da, ikusentzunezkoetan jauzi egiteko gogoa. Hitzak mugimenduaren adierazpen. Irudiak erakusle. Soinua kanal bilakatuta. Mugimendua. Ausarta eta eraginkorra. Beti aitzina.

Sarea > bidea

sarea lan tresna gisa ikusi edo sarea antolaketa eredu gisara hartzen dugunok, eredu bat dugu begibistan. muguruzafm.com deituko nioke lan honi, diskoari edo pantailan ikusi eta entzungo dugun ekoizpen ahantzi ezinezko honi. Ibilbidea laburbildu baino, bidea adierazten duelako.

Patxi Gaztelumendi