Salam, agur

Agurra etorrera bezala iragarri zuten, "Egin" egunkarien orrialdeetan. Negu Gorriak taldekoek zikloa itxi zuten, eta sena eta sentikortasuna zuten hamabost talde eta artistari omenaldia euskaraz egin zieten. Bap!!, Otis Redding ("Respect" harrigarria), The Who, Macka B, Minor Threat, Bob Marley, Public Enemy, The Clash, Redskins, Poison Idea, Errobi, Dead Kennedys, Linton Kwesi Johnson, Anestesia eta N.W.A. Bihotzez egindako hautaketa, musikari ez eze, sentimenduzko loturei ere jarraituta. Ferminen berbetan: "Gure bizitzako soinu banda originalaren parte dira". Diskoan Sorkunek, Javi Pezek, Jabier Muguruzak, Evaristok (La Polla Records), Sargento Garcíak, Silvia Ammiratok (Wemean)... ere parte hartu zuten. Punka, rocka, rapa, reggaea. Lekukotasuna. 7a.

Xavier Cervantes