OTSAILAREN 2KO ZINE-KLUB SAIOAN, LATXARTEGI ARETOAN: “BIDASOA 2018-2023”

Legazpiko udala ➝ 

Otsailak 2, ostirala, 19:00etan zinema aretoan

Legazpi Zine-Klub elkarteak, Fermin Muguruzak 2023ko Zinemaldian estreinatu zuen “Bidasoa 2018-2023” Dokumentala eskainiko digu otsailaren 2ko saioan.

Sinopsia:

Poliziaren kontrolak eta Pirinioetako eta Atlantikoko Bidasoako muga naturaleko pasabide batzuk ixteak 10 heriotza eragin zituen urtebetean. Frantziak 2018ko udan ezarri zuen kontrol hori, Europako gainerako herrialdeetara bidean zihoazen etorkinak sar ez zitezen. Zazpi pertsona hil ziren 2021eko apiriletik Irun eta Hendaia arteko Bidasoa ibaiko uretan itota, eta beste hiru hildako izan ziren 2021eko urrian, Ziburun tren batek harrapatuta. Dokumental honek, ibaiaren alde batean eta bestean dauden hainbat aktibistari ahotsa eta aurpegia emateaz gain, Harrera Sarea eta Bidasoa Etorkinekin elkarteen ordezkari gisa, beren bizitza galdu zutenak ere gogorarazten ditu, izena, adina, zeharkaldia eta ametsak jarriz, hildakoen zifra hotzen atzean ezkutatzen den historia eta pertsonak ezagutuz, horrela tragedia gizatiartuz.

Fitxa Teknikoa:

• Zuzendaritza: Fermin Muguruza.
• Gidoia: Fermin Muguruza.
• Musika: Gloria Maudel
• Argazkia: Asier García
• Generoa: Dokumentala/Immigrazioa
• Iraupena: 71 minutu
• Urtea: 2023

Pelikulen berri zehatza eta sarrerak erosteko 🎟️